Microextracción en fase sólida "in-tube" para el análisis de compuestos orgánicos en matrices atmosféricas

Resumo

Nesta Tese Doutoral desenvolvéronse metodoloxías analíticas para a determinación de tres grupos de compostos orgánicos de grande interese ambiental (hidrocarburos aromáticos policíclicos, ésteres de ácido ftálico e aminas) en matrices atmosféricas (auga de choiva e particulado atmosférico). Os métodos desenvolvidos empregan a microextracción en fase sólida in-tube acoplada on-line a cromatografía de líquidos (IT-SPME-HPLC). Redúcense considerablemente o número de etapas de tratamento de mostra, os volumes requiridos (de mostra e disolventes orgánicos) e o tempo de análise, e alcánzanse límites de detección e cuantificación a nivel traza/ultratraza. Ademais preséntase un estudo de alcance da técnica, cunha discusión crítica sobre fortalezas e debilidades e o seu estado actual. Os métodos aplicáronse a mostras de eventos curtos de precipitación, que non se poden analizar polos métodos clásicos, así como a un estudo de estabilidade de HAP en auga de choiva. Abordouse a caracterización de mostras de PM10 analizando ións maioritarios, metais traza, composición elemental, relacións de isótopos estables e fracción carbonosa, que inclúe o carbono orgánico soluble. Finalmente realizouse un estudo de identificación de fontes coa aplicación de Positive Matrix Factorization (PMF).